В долині калина

В долині калина,
Красно заквитала,
Не дала-с мні мамусь,
Кого я кохала.

Дала-с мене мамусь
За хлопа старого,
Болит мня голова,
Болит мня серденько,
Як вижу младого.

Дала-с мене мамусь,
За хлопа от ролі,
Он мня рано будит,
Мня голова болит.

Як под старым дубом,
Трава пожолтіє,
Так при старом мужі,
Жена постаріє.

Под молодым дубом,
Трава зеленіцька,
Так при добром мужі,
Жена молодицька.

Тота наша любов,
Зышла нам на марност,
Забыл я повісти,
Дівчатку добраночь.

Добра ночка добра,
Дівчыно надобна,
И тобі день білый,
Мой Яничьку милый.

Примітки:
Останні два рядки кожного куплету повторюються двічі.
Джерело:
Лемковскы народны співанкы. – Клівленд: Типографія Лемко-Союза, 1935. – 64 с.

Рекламне оголошення