Там под гаєм зелененьким

Там под гаєм зелененьким
Брало дівча, брало дівча
Лен дробненький.
Не так брало, як стеливо
До Дуная, до Дуная
Говорило.
Ты Дунаю, ты Дунаю, тиха вода
Кому-ж я ся сподабаю
Я молода.
Ци панови, ци попови,
Лем мня не дай моя мамцю
Пиякови.
Дайте мене, моя мамцю,
За такого,
Што он мене вірно любит,
А я його.
Котилися дві колеса
На долині стали,
Любилися штыри очы,
Але перестали.
Любилися, кохалися,
Што мати не знала,
Тепер они розышлися,
Яко чорна хмара.
Чорны хмары розойдутся,
Што дожду не буде,
Штыри очы розойдутся,
Жаль великий буде.
Джерело:
Лемковскы народны співанкы. – Клівленд: Типографія Лемко-Союза, 1935. – 64 с.

Рекламне оголошення