Сама я ружу садила [2]

Сама я ружу садила,
Сама я ружу поливала,
Сама я, сама хлопця любила,
А тепер буду плакала.

Ой ты, мамичко премила,
Чом же-с ты мене не била,
Коли-ж ты добри виділа,
Як я з фраиром сідила.

Ой вы, дівчата, за муж не ходте,
Ой вы, дівчата, не в пору,
Бо я молода за муж вышла,
Тепер мня болит голова.

Ту єдно плаче, бо хоче істи,
А друге плаче, бо хоче спати,
А старый лежыт собі на лужку,
Каже сой подати люльку.

А я му люльку наладувала,
З низкым уклоном подала,
Тогды я, тогды была счастлива,
Закаль я мужа не мала.

Примітки:
Останні два рядки кожного куплету повторюються двічі.
Джерело:
Лемковскы народны співанкы. – Клівленд: Типографія Лемко-Союза, 1935. – 64 с.

Рекламне оголошення