Ой погнало дівчатонько

Ой погнало дівчатонько
Ягнятонька в поле,
Та й стратило дівчатонько
Ягнятонька двоє.

А пойду я гукаючы,
Ягнятонька шукаючы,
А ци я их знайду?
До дому прижену?

Ой встритило дівчатонько,
Пана молодого,
Дуже хорошого.

Ци-с не виділ, мой паноньку,
Ци-с не виділ, голубоньку,
Ягнятонька мого,
Або даякого?

Ой не виділ, дівчынонько,
Ой не виділ, голубонько,
Ягнятонька твого,
Ани дачыйого.

Вышли они на полянку,
Ягняток глядати,
Стали розмавляти.

Ци позволиш, дівчынонько,
Ци позволиш, голубонько,
Трошка жартувати?

А як они жартували,
Стало вечерити,
Час до дому идти.

Пропал баран и ягниця,
Я зостала молодиця,
В гаю зелененьким
С паном молоденьким.

А пишла я до домоньку,
Стала мати бити,
Ой ты, дівко, ой ты, суко,
Штож ты учынила?

Нашто жес ты,
З хлопом-попом
В жарты заходила?

Дармо тепер, моя мамцьо,
Бити, жалувати,
Треба было свою доню
Перше пильнувати.

Примітки:
Останні три рядки кожного куплету повторюються двічі.
Джерело:
Лемковскы народны співанкы. – Клівленд: Типографія Лемко-Союза, 1935. – 64 с.

Рекламне оголошення