Який я несчастный

Який я несчастный на то світ родился,
Такий світ шырокий, а я не женился,
А я на то нич не дбаю,
Чужы женкы я кохаю,
Для свойой выгоды,
Сердцю охолоды.

Ой не раз я, не два через плоты лазил,
Ой не раз и не два своє жытя зважыл,
Не раз мене псами щули,
Кади-тадиль доганяли,
Як были-б зловили,
Як собаку б били.

Ой не раз я, не два до хаты вкрадался,
Ой не раз я, не два под постель сховался,
Ой не раз я слухаючы,
Як то жена мужа учыт,
Иди мужу с хаты
До стодолы спати.

Ой не раз я, не два загріл свои плечы,
Носячы до милой розмаиты речы,
Носил – сыр, носил – сало,
Носил и мак, покаль стало,
А тепер не знаю,
Што робити маю.

Ой стану я собі та й зачну думати,
Штобы своим річам пропасти не дати,
Штобы мой мак, не пошол так,
Моє сало не пропало,
А сыр подарую,
Та й сам повандрую.

Примітки:
Третій рядок кожного куплету повторюється двічі.
Джерело:
Лемковскы народны співанкы. – Клівленд: Типографія Лемко-Союза, 1935. – 64 с.

Рекламне оголошення