Подме-же мы, подме, бо мы не зайдеме

Подме-же мы, подме, бо мы не зайдеме,
Темна ночка зайде, где преночуєме?

Идеме-идеме, дражку не знаеме,
Добры люде знают та нам повідают.

Идеме-идеме, з горы до долины,
Идеме глядати той новой родины.

Панове-сватове, поволи стріляйте,
Соломяне місто, лем го не запальте.

Як го запалите, та го заплатите,
А нашу молоду, любити мусите!

Отверай, мамичко, двери до світлиці,
Бо мы ти ведеме добру роботницю.

Чого жес ту пришла, и чого-с сой сіла?
Ты ту не робила, што же будеш іла?
Джерело:
Лемковскы народны співанкы. – Клівленд: Типографія Лемко-Союза, 1935. – 64 с.

Рекламне оголошення