Дякую няньови и свойой мамонці

Дякую няньови и свойой мамонці,
Же я свой віночок лишыла в церковці.

Як-єм присягала, аж мні ногы стерпли,
Же тя не опущу миленький до смерти.

Тішытся родина, вшыткых-єм втішыла,
Же-м своим родичам ганьбы не зробила.

Не вір паробкови, хоц он ся ти божыт,
Покаль ти на престол два пальцы не зложыт.
Джерело:
Лемковскы народны співанкы. – Клівленд: Типографія Лемко-Союза, 1935. – 64 с.

Рекламне оголошення