Братя лемкы

Братя лемкы, русскы діти
Вшыткы в Союз ставайме!
И матери Лемковині,
Загибати не дайме!

Загибає наша мати,
Родная Лемковина,
Бо єй гнете польска шляхта,
Та й и ческа панщина.

Хотят паны Лемковину
Для себе присвоити,
Хотят они русскых лемков,
Всіх вынародовити.

Не думайте собі паны,
Же то можна зробити,
Бо мы лемкы, барз завзяты,
Трудно нам порадити.

Уж ся лемкы зо всіх партий,
Стали соединяти,
Штобы могли вражым ианам
Свою пясть показати.

Уж там лемкы в Америкі
Свой Союз заложыли,
Штобы свою родиноньку
Всі разом боронили.

Не турбуйся, Лемковино,
Же мы о Тя не дбаме,
Ты сой таку думку думай,
Же Тя врагам не даме.
Джерело:
Лемковскы народны співанкы. – Клівленд: Типографія Лемко-Союза, 1935. – 64 с.

Рекламне оголошення